Fami vinn dan tou form ek dimansion
Sa video la donn definision ek lexanp lor diferan tip fami. Li koumans par defini konsep ‘fami’ ek rol prinsipal pou kontan ek pran swin sakenn, ek osi dir ki pena okenn fason ki bon ouswa move ki enn fami bizin sanble. Video la osi defini enn fami nikleer, fami kot ena paran gay ouswa lesbian, fami ar enn sel paran, fami etandi, fami melanze, fami san zanfan, fami adopte ek paran foster. Li met laksan lor diversite fami, vedir paran ouswa zanfan kapav ena diferan etnisite ouswa lafwa relizie. Li osi defini ‘fami swazir,’ ouswa fami ki formé ar bann kamarad ek lezot dimoun ki donn sipor, pa par bann relasyon san. [AMZ-089-mfe]
Youth
Enn fami se enn group dimoun ki ena relasyon par disan, maryaz ouswa enn lyen for ki zot partaz ansam. Bann fami vini dan diferan dimansion ek konbinasion. Ena dimoun ki ou kone kapav ena enn sel paran, tandik lezot ena de paran biyolozik. Dan bann fami kot ena de paran, paran kapav mem sex ouswa diferan sex. Ena lezot dimoun ki kapav ena plizir paran, inklir stepparents. Ena dimoun ki kapav ena paran foster ouswa mem viv ar enn lot dimoun, kouma granparan, ki azir kouma enn figir paran. Ena fami ki ena zanfan, tandik lezot fami pa ena. Ena dimoun ki konsidere zot bann zanimo kouma manb zot fami. Sa bann tip fami la se zis enn ti parti bann diferan struktur fami ki existe.
Bann fami, pa kitsoz ki zot struktur, kapav osi bien diferan dan lezot fason. Zot kapav ena enn paran ki diferan ras ar lot paran. Dan bann fami melanze, foster ouswa adopte, ena zanfan ki diferan ras ar zot paran. Ena dimoun ki kapav ena paran ouswa frer ek ser ki ena diferan kapasite mantal ouswa fizik ki zotmem.
Ena dimoun ki ou kone kapav osi ena enn ouswa toulede paran dan larmé. Ena moman kot zot paran kapav al travay deor, vedir zot bizin al travay lwin lakaz pou enn letan—souvan dan enn lot pei.
Ou fami kapav sanble ek fonksione bien diferan ar fami ou bann kamarad, ek sa li korek. Pena okenn fason ki bon ouswa move pou enn fami strukturé ouswa sanble. Se ki pli inportan lor fami se ki zot kontan ek pran swin sakenn. Pou sertin, sa lamour la sorti ar fami ki zot finn gagne, tandik lezot trouv sa lamour ek swin ar bann dimoun ki zot finn swazir pou apel zot fami. Mem si bann fami kapav sanble diferan dan sak lakaz, tou fami zot spesial ek inik! Pran enn ti letan pou reflesi lor tou bann fason ki fer ou fami spesial.
Parents
Ou zanfan kapav zwenn boukou diferan tip dimoun ek diferan tip fami. Li normal pou bann zanfan ena kestion lor bann fami ki diferan ar zotmem. Se ki inportan se ki enn zanfan konpran ki enn fami se enn group dimoun ki ena relasyon par disan, maryaz ouswa enn lyen for, ek ki bann fami kapav ena diferan struktur ek kapav bien divers. Pa kitsoz ki enn fami sanble ouswa kouma li strukturé, fami kontan ek pran swin sakenn.
Ou kapav partaz ar ou zanfan diferan fason ki bann fami formé ouswa strukturé. Par lexanp, ena fami ki ena de mama ouswa de papa. Ena osi fami ki formé ar de paran biyolozik. Dan bann fami, bann adilt kapav maryé ouswa pa maryé. Boukou koup fer desizion pou gagn zanfan san maryé avan. Preske 1.5 milyon koup ena omwen enn zanfan avan maryé. Li osi inportan pou bann zanfan konpran ki ena fami ki ena zanfan, tandik lezot fami pa ena. Ena dimoun ki konsidere zot bann zanimo kouma manb zot fami.
Ou kapav osi koz ar ou zanfan lor lefet ki ena dimoun ki viv dan enn fami ar enn sel paran. Sa apel fami ar enn sel paran, ek li formé ar enn adilt ki paran ar omwen enn zanfan. Enn fami ar enn sel paran kapav formé parski paran pa finn maryé, zot finn divorse, enn paran dan prizon ouswa enn paran finn mor. Dan sa tip fami la, paran sel kapav mama, papa ouswa zis apel ‘paran.’ Ou kapav explik ki sa se zis enn tip fami ek ki ena lezot fami ar plizir paran ki apel fami melanze. Dan enn fami melanze, de fami ar enn sel paran zwenn ansam pou fer enn fami pli gran. Enn fami melanze kapav formé kan de dimoun maryé, rant dan enn relasyon spesial apel domestic partnership ouswa zis fer desizion pou viv ansam.
Ena osi fami kot enn paran viv deor lakaz pou enn letan. Sa souvan arive kan enn ouswa toulede paran dan larmé.
Bann zanfan kapav osi ena kestion kan paran pa paran biyolozik. Ou kapav explik ki ena diferan fason ki bann fami formé kan enn zanfan pa zanfan biyolozik paran. Par lexanp, enn zanfan kapav vinn manb enn fami adopte ouswa foster. Sa tip fami la kapav formé ar enn lot fami par disan ouswa enn kamarad fami ki vinn paran adopte. Enn paran foster kapav enn dimoun ouswa enn koup ki pa neseserman kone ar zanfan, me zot angaze pou pran swin bann zanfan ki pa kapav reste ar zot paran biyolozik. Apre ki lakour finn verifye, fami foster kapav gagn nomé kouma gardien enn zanfan ki bizin.
Ena osi zanfan ki grandi ar zot granparan. Preske 1.3 milyon zanfan anba 18 an viv ar zot granparan. Si ou zanfan anvi kone kifer enn dimoun kapav grandi ar granparan, ou kapav explik ki paran biyolozik kapav tro malad pou pran swin, kapav dan prizon ouswa finn mor. Bann fami kapav osi intergenerational, kot paran ek zot zanfan viv ar granparan. Pou lezot, olye granparan, ena fami kot tonton, tantinn ouswa kouzen azir kouma paran ouswa gardien.
Ou zanfan kapav pa zis anvi kone lor diferan struktur fami me osi lor bann fami ki divers, kot enn paran diferan ras ar lot paran. Dan bann fami melanze, foster ouswa adopte, ena zanfan ki diferan ras ar zot paran. Ena dimoun ki kapav ena paran ouswa frer ek ser ki ena diferan kapasite mantal ouswa fizik ki zotmem.
Educators
**“Ou bann etidian pou sorti dan diferan tip fami, ek li normal pou zot ena kestion lor bann fami ki diferan ar zotmem. Se ki inportan pou ou bann etidian konpran se ki enn fami se enn group dimoun ki ena relasyon par disan, maryaz ouswa enn lyen for. Li osi inportan ki ou bann etidian konpran ki bann fami kapav ena diferan struktur ek kapav bien divers. Pa kitsoz ki enn fami sanble ouswa kouma li strukturé, fami kontan ek pran swin sakenn.
Li inportan pou bann etidian konpran diferan fason ki bann fami kapav formé ek strukturé, sirtou parski ou pou gagn etidian dan ou klas ki sorti dan diferan tip fami. Par lexanp, ena fami ki ena de mama ouswa de papa. Ena osi fami ki formé ar de paran biyolozik. Dan bann fami, bann adilt kapav maryé ouswa pa maryé. Boukou koup fer desizion pou gagn zanfan san maryé avan. Preske 1.5 milyon koup ena omwen enn zanfan avan maryé. Li osi inportan pou bann zanfan konpran ki ena fami ki ena zanfan, tandik lezot fami pa ena. Ena dimoun ki konsidere zot bann zanimo kouma manb zot fami.
Ena fami ki formé ar enn sel adilt ki paran ar omwen enn zanfan. Sa apel fami ar enn sel paran. Enn fami ar enn sel paran kapav formé parski paran pa finn maryé, zot finn divorse, enn paran dan prizon ouswa enn paran finn mor. Dan sa tip fami la, paran sel kapav mama, papa ouswa zis apel ‘paran.’ Ou kapav explik ki sa se zis enn tip fami ek ki ena lezot fami ar plizir paran ki apel fami melanze. Dan enn fami melanze, de fami ar enn sel paran zwenn ansam pou fer enn fami pli gran. Enn fami melanze kapav formé kan de dimoun maryé, rant dan enn relasyon spesial apel domestic partnership ouswa zis fer desizion pou viv ansam.
Ena osi fami kot enn paran viv deor lakaz pou enn letan. Sa souvan arive kan enn ouswa toulede paran dan larmé.
Ena fami ki pa inklir paran biyolozik. Par lexanp, enn zanfan kapav vinn manb enn fami adopte ouswa foster. Sa tip fami la kapav formé ar enn lot fami par disan ouswa enn kamarad fami ki vinn paran adopte. Enn paran foster kapav enn dimoun ouswa enn koup ki pa neseserman kone ar zanfan, me zot angaze pou pran swin bann zanfan ki pa kapav reste ar zot paran biyolozik. Apre ki lakour finn verifye, fami foster kapav gagn nomé kouma gardien enn zanfan ki bizin.
Ena osi zanfan ki grandi ar zot granparan. Preske 1.3 milyon zanfan anba 18 an viv ar zot granparan. Si ou bann etidian anvi kone kifer enn dimoun kapav grandi ar granparan, ou kapav explik ki paran biyolozik kapav tro malad pou pran swin, kapav dan prizon ouswa finn mor. Bann fami kapav osi intergenerational, kot paran ek zot zanfan viv ar granparan. Pou lezot, olye granparan, ena fami kot tonton, tantinn ouswa kouzen azir kouma paran ouswa gardien.
Bann etidian bizin osi konpran ki pa zis diferan struktur fami existe, me osi bann fami ki divers. Par lexanp, dan enn fami enn paran kapav diferan ras ar lot paran. Dan bann fami melanze, foster ouswa adopte, ena zanfan ki diferan ras ar zot paran. Ena dimoun ki kapav ena paran ouswa frer ek ser ki ena diferan kapasite mantal ouswa fizik ki zotmem.
Finalman, pena okenn fason ki bon ouswa move pou enn fami strukturé ouswa sanble. Se ki pli inportan lor fami se ki zot kontan ek pran swin sakenn, kitso swa fami ki dimoun finn ne ladan ouswa fami ki zot finn swazir pou kree. Koz ek donn leson lor diferan tip fami kapav ed tou bann etidian trouv zotmem ek zot lexperyans reflekte dan lekol, ek kapav ed bann etidian respe bann dimoun ki diferan ar zotmem.